Një helikopter i ushtrisë ruse është rrëzuar pranë një fushe aviacioni në rajonin lindor të Chukotka-s. Si pasojë e përplasjes kanë humbur jetën katër persona, njoftoi ushtria ruse.
Sipas asaj që deklaroi ministria e Mbrojtjes, përplasja mund të jetë shkaktuar nga një problem teknik. Tre anëtarët e ekuipazhit dhe një teknik në bord ndërruan jetë si pasojë e përplasjes. Lajmin e konfirmoi guvernatori i Chukotka-s, Roman Kopin.
Ky është aksidenti i dytë fatal që ndodhe me një helikopter ushtarak të këtij lloji brenda një jave. Më 19 maj, një tjetër helikopter u përplas pranë Klin-it, një vend që ndodhet 90 kilometra nga Moska, duke u marrë jetën të tre personave që ndodheshin në bord.
Zyrtarët thanë se përplasja në këtë rast mund të ishte shkaktuar nga një problem teknik. Mi-8 është një nga helikopterët më të zakonshëm në forcat e armatosura Ruse. /abcnews.al/
