Numri i personave që humbin jetën nga koronavirusi në ditë ka arritur në pikën më të ulët që me vendosjen e karantinës në mars. Në 24 orët e fundit, vendi konfirmoi 77 vdekje të tjera nga koronavirusi.
Ndërsa, Shërbimi Kombëtar Shëndetësor në Angli regjistroi ditën e sotme 59 viktima të tjerë në spitale, këtu nuk llogariten vdekjet që mund të kenë ndodhur në shtëpitë e kujdesit.
Në anën tjetër, Skocia njoftoi për tre viktima të tjerë, ndërsa Uellsi dhe Irlanda Veriore raportuan 8 të tilla. Deri më tani, Britania e Madhe numëron në total 259,559 të infektuar dhe 36,793 viktima si shkak i koronavirusit.
Kujtojmë këtu se vendi ishullor dhe pjesa më e madhe e Evropës ndodhen në fazën dy të planit për menaxhimin e koronavirusit, ndërsa qendra e pandemisë është zhvendosur në Amerikën Latine dhe Rusi. /abcnews.al/
