Loading ...
Lazio ka zhvilluar një sezon fantastik dhe ka shanse reale për fitimin e titullit kampion. Juventusi i vendit të parë, është vetëm një pikë larg dhe në kampin bardhekaltër po presin rifillimin e kampionatit për të nisur betejën për trofeun e madh.
Claudio Lotito nuk e priti mirë pezullimin e kampionatit pas zhvillimit të ndeshjes Juventus-Inter. Ky duel u luajt pa tifozë mbrëmjen e 8 marsit, bardhezinjtë fituan 2-0, parakaluan Lazion dhe dolën në krye.
“E patë të gjithë atë lloj ndeshje“, u shpreh presidenti i Lazios në një prononcim për La Repubblica, fjalë që kanë ndikuar në hapjen e një hetimi nga Prokuroi Federal. Il Tempo raporton se Lotito është thirrur menjëherë për të dhënë sqarimet për dyshimet e tij.
Nëse Lotito do të japë informacione që do të vinin në dyshim rregullsinë e ndeshjes Juve-Inter, atëherë Prokurori Federal duhet të hapë një hetim për shkelje sportive, përndryshe presidenti i Lazios mund të dënohet për deklarata të dëmshme. /abcnews.al
