Humbja e dytë radhazi për Schalken në Bundesliga, që pas rikthimit të kampionatit gjerman pas ndërprerjes për shkak të pandemisë Koronavirus. Pasi u turpëruan në derbin e Ruhrit me rezultatin 4-0 në fushën e Borussia Dortmund, “Mbretërorët Blu” u mposhtën dhe në shtëpinë e tyre nga Ausburg, me rezultatin 0-3.
Goli i parë i sfidës u shënua nga Eduar Lowen, me 23 vjeçarin që realizoi një perlë. Në minutën e gjashtë të sfidës, Ausburg fiton një goditje dënimi nga një pozicion i rrezikshëm dhe Lowen, e ekzekuton me mjeshtëri, duke shokuar vendasit.
LEXO EDHE: VIDEO/ Një eurogol befason Schalke 04, miqtë nisin festën
Schalke shtyu para në kërkim të golit të barazimit, por dhe të një përmbysje të mundshme. Gjithsesi, djemtë e Wagner lanë hapësira mbrapa dhe Ausburg shënoi edhe të dytin, me anë të Sarenren-Bazee, në minutën e 76-të. E për të vendosur rezultatin final të sfidës në 0-3, mendoi Cordova, në sekondat e fundit të takimit./abcnews.al
Bundesliga, java 27
Schalke – Ausburg 0-3
Lowen 6′, Sarenren-Bazee 76′, Cordova 90+1′
