Një automjet i mbushur me bombola gazi propan shpërtheu përmes hyrjes kryesore të bazës ushtarake Travis në Kaliforni të veriut. Shpërthimi ndodhi, pasi shoferi i vuri flakën qëllimisht mjetit që drejtonte. Mësohet se ai humbi jetën brenda makinës.
Hetuesit, duke përfshirë edhe FBI, po e trajtojnë episodin si një akt të mundshëm terrorizmi. Gjatë ngjarjes nuk janë regjistruar të shtëna dhe zjarrfikësit shuan flakët. Shoferi është identifikuar, por detajet e tij personale nuk janë zbuluar.
Baza e Forcave Ajrore Travis është një terminal i rëndësishëm për autoritetet amerikane./abcnews.al
