Në Itali brenda 24 orëve të fundit është rritur lehtë numri i rasteve të reja. Brenda ditës vendi fqinj regjistroi 669 raste të reja me koronavirus. Kështu, numri total i të infektuarve rritet në 229,327.
Ndërsa, sipas autoriteteve të shëndetit në vend, për 24 orë, si pasojë e koronavirusit humbën jetën 119 persona. Ndërsa, bilanci total i viktimave rritet në 32,735.
Deri më tani, në vend janë aktive 57,752 raste ndërsa numri i të shëruarve është 138,840.
Italia është një nga vendet më të prekura nga koronavirusi në Evropë, ndërsa tashmë duket se qendra e pandemisë ka lëvizur në Amerikën Latine dhe në lindje, në Rusi. /abcnews.al/
