Alisson është një nga pikat më të forta të Liverpoolit. Portieri brazilian është fantastik mes shtyllave, por jo vetëm kaq. Ai nuk ka talent vetëm në duar dhe është shumë i aftë në lojën me top.
Një nga trajnerët e portierëve të “The Reds”, Jack Robinson e vlerëson jashtë mase dhe guxon shumë në krahasimin që bën për të. “Alisson ka një qetësi natyrale me topin.
Ai është realisht i pabesueshëm, ngjan me Andrea Pirlon. Është fantastik me topin dhe dëshiron ta marrë edhe kur është nën presion. Diçka e tillë dallohet në ndeshjet e Liverpool.
Ai e ka atë forcë unike. Është i qetë kur duhet dhe ka aftësinë për të luajtur topin në momente kur ka konfuzion rreth tij“, deklaron Jack Robinson. /abcnews.al
