Policia ka gjobitur dhe u ka hequr patentën artistëve dhe aktivistëve të Mbrojtjes së Aleancës për Teatrin, të cilët u grumbulluan mbrëmë para sheshit të teatrit.
Mes tyre është edhe kreu i PD, Lulzim Basha, i cili kaloi mbrëmë natën tek teatri. Policia bën me dije se masat janë marrë pasi janë shkelur rregullat e situatës së pandemisë, ku është ndaluar lëvizja pas orës 17:30 si dhe grumbullimi i qytetarëve.
Ndërkaq, për kreu i demokratëve bëhet për herë të dytë objekt i policisë. Ditën e djeshme ai u gjobit dhe iu hoq leja e drejtimit nga policia e Durrësit, pasi zhvilloi një takim me biznesin në Durrës duke sfiduar hapur ndalimin për grumbullimet. Kryedemokrati u pa i ulur në ambientet e brendshme të një restoranti me mbi 10 persona të tjerë..
Njoftimi i policisë:
Policia e Tiranës, në vijim të monitorimit për zbatimin e masave kufizuese të përcaktuara në Aktin Normativ Nr. 3, datë 15.03.2020 “Për marrjen e masave të veçanta administrative gjatë kohëzgjatjes së periudhës së infeksionit të shkaktuar nga COVID-19”, pas orës 17:30 të datës 14.05.2020, ka konstatuar me shqetësim, grumbullimin e një grupi qytetarësh pranë Teatrit Kombëtar, shumë përtej fashës orare të qarkullimit dhe në shkelje të çdo rregulli të parashikuar nga Akti Normativ.
Në zbatim të Aktit Normativ, shërbimet e Policisë kanë proceduar me masat administrative përkatëse, gjobë dhe tërheqje të lejes së drejtimit, shtetasit:
-S. D., K. B., G. B., L. B., A. T., V. S., R. B., C. Gj., E. G., A. K., N. L., A. D., R. Z., E. B., A. T., L. S, G. G, A. N., P. Sh, E. K., M. C., R. Ç, Gj. U., F. K., I. S., R. V., B. H., A. F., A. Xh., R. H., D. K., F. S., D. H., A. R., A. Q., G. M., A. S., O. N., M. A. dhe O. H.
Policia e Shtetit apelon për të gjithë qytetarët, sidomos ata në zonat e kuqe që të respektojnë me rigorozitet oraret e lëvizjes dhe distancimin social dhe në këtë kuadër kërkon mirëkuptimin dhe ndihmën e qytetarëve në të gjithë vendin, që të kontribuojë secili në mbrojtjen e shëndetit nga kërcënimi i virusit vdekjeprurës COVID-19.
Policia e Shtetit do të vijojë me angazhim të plotë e vullnet të palëkundur veprimtarinë e vet ligjzbatuese, në mbrojtje të jetës dhe rendit publik në kushtet e jashtëzakonshme të fatkeqësisë natyrore.
/abcnews.al
