Partia Demokratike ka reaguar në lodhje me vendimin e qeverisë për rihapjen e universiteteve.
Më anë të një postimi në Facebook, ish-deputeti Luçiano Boçi thotë që kemi të bëjmë me një plan të ri që nuk përputhet me të vjetrin. Ky plan i ri, shkruan ish-deputeti, nuk përputhet me planin e vjetër, në të cilin, sipas tij, nuk parashikohej asgjë për studentët dhe ka pengesa serioze për jetën universitare.
Sipas Boçit, rikthimi i studentëve nga ana tjetër kërkon rikthimin e të gjitha shërbimeve të tjera, që lidhem me jetën e tyre.
Postimi i plotë:
RAMA KUNDËR RAMËS
Rama nëpërmjet Besës “zbuloi” sot një plan tjetër hapje të jetës sociale.
U njoftua se një pjesë e studentëve do të rikthehen në auditore në qershor.
Si gjithmonë duke bërë lëmsh gjithçka tjetër.
Por, ky plan i ri nuk përputhet me planin e vjetër, në të cilin nuk parashikohej asgjë për studentët dhe ka pengesa serioze për jetën universitare.
Aq më tepër që Universitet nuk janë si shkollat e mesme dhe funksionojnë përtej territorit.
Kjo kërkon që të miratohet së pari lëvizja midis qyteteve, bashkive e prefekturave.
Pa pasur të miratuar një lëvizje të tillë, si mund të arrihet Tirana, kur dhe dje Rama e ritheksoi atë si zonë të kuqe?!!!
Ende pa pasur një testim masiv, si mundet studentët që vijnë nga qytete të ndryshme, të kuqe apo të gjelbërta, të mund të ribashkohen në konvikte?!!!
Rikthimi i studentëve nga ana tjetër kërkon rikthimin e të gjitha shërbimeve të tjera, që lidhem me jetën e tyre.
Për këto ende s’ka data.
Ky plan i Ramës, nëpërmjet Besës duket që bie në kundështim me planin e Ramës të shprehur nëpërmjet Ramës!
Cilin Ramë duhet të dëgjojnë e besojnë shqiptarët tani?!
Apo si gjithmonë:
Një Ramë i bie gozhdës, një Ramë tjetër i bie patkoit.
