Vuçiç: Qeveria e re e Kosovës do të ketë problem legjitimiteti

Presidenti serb Aleksandar Vuçiç në një dalje për mediat është shprehur se pret trazira të mëdha politike në Prishtinë.

Vuçiç tha se “nuk është një situatë e lehtë” kur partia më e fortë në qeverinë e ardhshme, Aleanca Demokratike e Kosovës, “ka mbështetjen e 21 përqind të qytetarëve, ndërsa opozita e ish-kryeministrit Albin Kurti 37 përqind të mbështetjes.”

Vuçiç tha se në këtë rast, ka problem me legjitimitetin. Vuçiç tha gjithashtu se nëse situata është e qëndrueshme në Prishtinë, atëherë Beogradi ka partner serioz për dialog, e nëse jo, atëherë politikanët shqiptarë “do të garojnë se cili e përmend më shpesh se Serbia ka kryer gjenocid”.