Philippe Coutinho është i destinuar të kthehet në Premier League. Huazimi me Bayern Munchen i përfundon këtë verë dhe do të rikthehet te Barcelona. Fantazisti brazilian nuk bën pjesë në planet e skuadrës katalanase, që shpreson të fitojë sa më shumë nga shitja e tij.
Shumë klube angleze e pëlqejnë 27-vjeçarin, i cili shkëlqeu me Liverpool gjatë viteve 2013-2018. Chelsea vazhdon të jetë kandidati kryesor për të siguruar shërbimet e tij. Londinezët kanë nisur negociatat dhe për momentin janë më të avantazhuar se Tottenham.
Garës për Coutinhon i janë bashkuar edhe dy klube të tjerë të Premier League. Mundo Deportivo raporton se Newcastle dhe Everton e pëlqejnë lojtarin ofensiv dhe po përgatisin ofertat e tyre. Lajm i mirë për Barcelonën, që uron të nisë një ankand mes klubeve britanike. /abcnews.al
