17 borëpastruese ka vënë në dispozicion të Rrugës së Kombit kompania e mirëmbajtjes. I gjithë segmenti është i pastër dhe pa probleme nga reshjet e borës.
Në Rrugën e Kombit dimri nuk duket.
Është e gjitha në asfalt dhe pa prani të ngricës apo borës.
Mjetet borëpastruese punuan gjatë gjithë natës dhe ditën për ta kthyer situatën në normalitet.
Në dy anët e tunelit janë angazhuar 17 mjete, të cilat kanë hequr borën nga korsitë e autostradës dhe kanë hedhur kripë për të shmangur ngricat.
Temperaturat kanë pësuar një rritje të konsideruesheme deri në minus 0.5 gradë celsius, kurse reshjet thuajse kanë pushuar.
E gjithë Rruga e Kombit patrullohet nga njësia e policisë e autostradës me një flotë mjetesh të reja e cila sapo është krijuar.
Gazetar i ABC News, Kukës: Bujar Muçmata
/abcnews.al