rruga e kombit
nev ila19:05 | 15/11/2019
Një aksident tragjik ka ndodhur në rrugën e kombit në afërsi të fshatit Gziq, Mirditës. Mësohet se nga ky aksident ka humbur jetën një person. Policia ka shkuar në vendngjarje dhe po punon për zbardhjen e rrethanave të aksidentit.
Ndërkohë policia me një informacion paraprak ka njoftuar se një kamionçinë ka përplasur një këmbësor. Nuk bëhet me dije ende identiteti i viktimës.
Njoftimi i policisë:
“Mirditë/Informacion paraprak
Rreth orës 18:45 , në autostradën Rreshen-Kukës, në fshatin Gëziq ,Mirditë, automjeti tip “Kamionçinë”, me drejtues shtetasin E.B.,41vjeç, banues në Fanë, Mirditë, ka përplasur një këmbësor. Si pasojë e përplasjes, këmbësori ende i pa identifikuar ka gjetur vdekjen
Drejtuesi i automjetit shtetasi E.B. është shoqëruar në Komisariat për veprime të mëtejshme hetimore.
Grupi hetimor ndodhet në vendngjarje dhe po vijon punën për sqarimin e rrethanave të ngjarjes si dhe identifikimin e shtetasit të aksidentuar”./abcnews.al
ent ela15:22 | 31/10/2019
Dy automjete janë përplasur në dalje të Milotit përgjatë Rrugës së Kombit.
Drejtuesit e dy mjeteve kanë marrë plagë dhe janë dërguar menjëherë në spitalin e Kurbinit për të marrë ndihmën e parë mjekësore.
Një mercedez me targa të Kosovës goditi në pjesën e pasme një Hyndai me targa AA 087 VI, ndërsa policia që mbërriti menjëherë në vendngjarje po heton shkaqet e aksidentit. /abcnews.al
ad min13:03 | 31/10/2019
Shpallja në kërkim e shokut të fëmijërisë të Eri Zefit që u ekzekutua në Fan të Mirditës ka bërë që familja Alia të ngujohet. Ndonëse nuk kane pranuar të kenë lidhje me ngjarjen, ata kanë vendosur të respektojnë Kanunin derisa të zbardhet e vërteta.
Shpallja në kërkim e shokut të fëmijërisë së Eri Zefit që u ekzekutua në Fan të Mirditës ka bërë që familja Alia të ngujohet. Ata nuk kanë pranuar të kenë lidhje me një ngjarje të tillë, por përsa kohe të zgjidhet çështja kanë vendosur të respektojnë Kanunin.
Familjaret e personit që u shpall në kërkim për vrasjen e Eri Zefit në Mirditë janë ngujuar në fshatin e tyre në Fan. Këtë vendim familja Alia e mori sapo doli lajmi në media, që Mikel Alia është i dyshuar për ekzekutimin e 34-vjeçarit.
Ata nuk e kanë pranuar që djali i tyre të ketë dorë në këtë ngjarje dhe i kanë kërkuar policisë dhe prokurorisë të zbardhin ngjarjen sepse po njollosen pa shkak. Por megjithatë për t’u mbrojtur nga çdo gjë e papritur ata kanë marrë masat e tyre sipas Kanunit.
Mikel Alia 40 vjeç është fshehur dhe sipas policisë ai është personi me të cilin Eri Zefi shkoi në Fan të Mirditës megjithëse ruhej prej gjakmarrjes. Sipas hetuesve Mikel Alia ishte shok i ngushtë me viktimën, por kishte dhe lidhje miqësore me fisin Ndreca në Durrës, familje kjo në gjakmarrje me familjen Zefi.
Nga ekspertiza në trupin e 34-vjeçarit Zefi u identifikuan shenja dhune që sipas hetuesve janë kryer para se ai të ekzekutohej me 6 plumba, 4 në kokë dhe 2 në gjoks. Trupi i tij u gjet 50 metra larg Rrugës së Kombit në Njësinë Administrative Fan./ABC News Albania
ad min15:50 | 25/10/2019
Rrëshqitjet e malit në anë të Rrugës së Kombit në zonën e Milotit po vazhdojnë. Por pavarësisht se ARRSH ka vënë mjete në dispozicion dhe ka devijuar qarkullimin, situata mbetet e rrezikshme.
Gurët vazhdojnë të bien në mes të Rrugës së Kombit sapo kalon Milotin. Këto mjete të rënda dalin shpesh ditën në vendin ku ka rrëshqitje të malit. Në këtë zone në autostradë rruga është devijuar. Segmenti prej 3 kilometrash ka kohe që është bllokuar.
Drejt Kalimashit mjetet lëvizin vetëm në aksin e majtë të autostradës. Sinjalistika në rrugë mbahet nga thasë të mbushur me inerte. Por kjo është një mase që nuk mund të shmangë rrezikun nga goditjet e gurëve.
Nuk ka asnjë njoftim se kur ky segment do të jetë i lirë për kalimin e mjeteve. Me fillimin e reshjeve situata këtu do të vështirësohet./ABC News Albania
ent ela11:20 | 15/09/2019
Një vajzë 13 vjeçe ka humbur jetën në një aksident tragjik në Rrugën e Kombit në vendin e quajtur “fshati Gëziq. Ajo ishte duke udhëtuar me babain e saj 44 vjeçar i cili humbi kontrollin e makinës dhe u përplas me trafikndarësen. Vajza humbi jetën në vend, kurse prindi i saj ndodhet në spital në gjendje të rëndë. Siç edhe shikoni nga pamjet trafikndarësja ka depërtuar tej për tej makinën. Nuk dihen ende shkaqet e kësaj ngjarjeje, por sipas policisë dyshohet se makina ka humbur kontrollin për shkak të shpejtësisë. /abcnews.al
ent ela13:36 | 05/09/2019
Ministrja e Infrastrukturës Belinda Balluku mori pjesë në ceremoninë e përfundimit të punimeve të dublimit të urave në Rrugën e Kombit. Balluku tha se kjo rrugë tashmë u bë e aksesueshme në dy anët dhe me standarde të larta.
Pas 10 vite punimesh, përfundojnë shtatë urat e Rrugës së Kombit në segmentin Kukës-Morinë.
Ministrja e Infrastrukturës Belinda Balluku tha se kjo vepër tashmë u bë tërësisht e aksesueshme në dy anët duke i shtuar më tepër parametrat e sigurisë rrugore dhe elementët e tjerë të standardeve evropiane.
Kurse Sonila Qato, drejtoreshë e ARRSH e pyetur për mbikalimet e këmbësorëve të papërfunduara pranoi problemet e krijuara me kompaninë sipërmarrëse të kontraktuar nga ARRSH, dhe tha se shumë shpejt do të marrë zgjidhje.
Dublimi i urave në Rrugën e Kombit nisi në 2009-ën, por u deshën plot 10 vite që të përfundonin tërësisht. /ABC News Albania 24/7
ent ela15:00 | 04/09/2019
Ndërsa dublimi i urave në Rrugën e Kombit përfundon për pak ditë dhe pritet hapja e krahut të lëvizjes në drejtim nga Morina në Kukës, për mbikalimin e këmbësorë nuk është e njëjta gjë. Punimet janë ndërprerë dhe sipas burimeve të ABC News firma është larguar.
Gruaja çdo dite rrezikon jetën për të kaluar nga njëra anë e rrugës tek tjetra. Ka turp për atë që po bënë dhe i shmanget kameras. Por i duhet çdo ditë të zbresë në qytet për të shitur qumështin.
Prej mese një viti, mbikalimi i planifikuar për ndërtim ende nuk ka përfunduar.
Ka mbetur për fare pak punë, për të krijuar bazamentet anësore që shërbejnë për ngjitje në mbikalim, dhe shtresat për kalim të këmbësorëve mbi konstruksionin e metalit.
Autoriteti Rrugor Shqiptar kontraktoi një kompani për të kryer punimet e parashkuara për 10 muaj. Por burime për ABC Neës tregojnë se kjo kompani ka ndërprerë kontraten, për arsye financiare.
Tre të tilla ishin planifikuar për t’u ndërtuar në segmentin Kukës-Morinë, dy prej të cilave ishin thuajse drejt përfundimit. Kurse mbikalimi i tretë në afërsi të liqenit nuk nisi asnjëherë.
Ndryshe po ndodh me dublimine urave. Punimet janë në përfundim e sipër. Pas dy ditësh mendohet të hapet i gjithë krahu i lëvizjes në drejtim nga Morina në Kukës.
Gazetar i ABC News, Kukës: Bujar Muçmata
ad min13:47 | 27/08/2019
Për pak ditë pritet të përfundojë puna për vendosjen e të gjithë sinjalistikës rrugore në segmentin Kukës-Morinë. Ndërhyrja është bërë në kryqëzime dhe hyrje-daljet e autostradës, e cila zgjidh problemet e lëvizjes së automjeteve dhe këmbësorëve që qarkullojnë në këtë zonë.
Problemet që ekzistonin në segmentin Kukës-Morinë, pjesë e Rrugës së Kombit janë futur në rrugën e zgjidhjes. Kryqëzimet dhe hyrje-daljet në autostradë po marrin dorën e fundit të punimeve.
Është shtrirë gjithë infrastruktura nëntokësore e ndriçimit dhe po montohen shtyllat. Një tjetër element është sinjalistika.
Në hyrje-daljet e zonave të banuara kjo do të bëhet përmes tabelave elektronike që janë montuar në këto zona dhe që pritet të vihen në funksion brenda një kohe të shkurtër.
Pas pak ditësh përfundon plotësisht dhe dublimi në shtatë urat që do të shmang trafikun, i cili krijohej sidomos gjatë sezonit veror në këtë segment rruge./ABC News Albania 24/7
ad min15:15 | 16/08/2019
Ura e Drinit, ajo që lidh dy anët e Rrugës së Kombit prej dhjetë vitesh po përballon një fluks te madh, tej parashikimeve të fuqisë së saj. Për të shmangur rrezikun deri në ndërtimin e urës së re, po bëhen përforcime në dy anët e saj.
Ndërtuar në mesin e viteve ‘70, kur u përmbyt Kukësi i vjetër e me kapacitet bartës 24 tonë. Më se e mjaftueshme për kohën dhe lëvizjet e asaj periudhe. Por askush s’do ta mendonte një ngarkesë të tillë e fluks pas 45 vitesh.
Ura e Drinit, e vetmja që lidh dy anët e Rrugës se Kombit prej 10 vitesh përballon një fluks të jashtëzakonshëm dhe kapacitet tej parashikimeve e fuqisë bartëse që ka.
Duhej një ndërhyrje urgjente për të rritur sigurinë e saj, jo vetëm për shkak të udhëzimeve që u dhanë pas shembjes së urës në Genova vitin e kaluar, por për shkak se është rritur shkalla e amortizimit të saj.
Kompania sipërmarrëse po merret me përforcimet me hekur e beton arme në dy anët e saj e më pas është menduar ndërhyrje edhe në trupin dhe akset e urës. Mbi urën rreth 250 metra kalojnë njëherësh dhjetë apo pesëmbëdhjetë trailera dhe mjete të transportit të rëndë rreth 60 tonë secila.
Dridhjet që përftohen gjatë trafikut janë të frikshme ndaj po mendohet t’i jepet një zgjidhje provizore deri në ndërtimin e urës së madhe përbri saj, punimet e së cilës nisen pak muaj më parë e do zgjasin deri ne vitin 2021.
Por deri atëherë problemet e sigurisë me këtë fluks e lëvizje, duket se do jenë evidente. Ura e Kukësit ishte ndër veprat e mëdha që u ndërtuan pas hidrocentralit në Kukës me një lartësi deri në 63 metra. /ABC News Albania 24/7
nev ila11:00 | 12/08/2019
Që në orët e para të mëngjesit në Rrugën e Kombit trafiku ka qenë shumë i rënduar. Mijëra makina nga dogana e Morinës në drejtim të Tiranës janë vendosur në radhë me orë të tëra. Fluksi ka qenë aq i lartë saqë në kufi policët kanë ngritur traun për të mos krijuar bllokim.
Policia ka nxjerrë patrulla për të monitoruar situatën por duket e pamundur.
Pushuesit e Kosovës duket sikur të gjithë janë nisur drejt plazheve.
Shkak për këtë janë dhe temperaturat e larta, që për ditën e sotme thuhet se do të jetë më e nxehta e vitit./ABC News Albania 24/7
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
