Pas shumë vitesh dëbora zbardhi edhe Ultësiren e Lezhës si dhe zonën bregdetare. Reshjet nisën pasditen e dielë duke rritur intensitetin në orët e mbrëmjes. Nuk u shënua asnjë problematikë në bashkinë e Lezhës, ndërsa pati vetëm dalje të 3 automjeteve nga rruga si pasojë e pakujdesisë në lëvizje, por pa shkaktuar të lënduar. E gjithë zona është mbajtur nën monitorim nga emergjencat civile, ndërsa në mëngjes reshjet e dëborës janë ndërprerë, por ka vijuar me uljen e temperaturave./abcnews.al
