Një aksident ka ndodhur në aksin e vjetër Laç- Mamurras në zonën e Sanxhakut pranë Laçit.
Një 28 vjeçar teksa ka qenë duke ecur me biçikletë ka humbur kontrollin dhe është përplasur në një shtyllë anës rrugës në Sanxhak të Kurbinit.
Ai është identifikuar si Elson Hysa nga fshati Babrru i Tiranës.
Menjëherë në vendngjarje kanë mbërritur zjarrfikësit e Laçit të cilët kanë njoftuar urgjencën e ku më pas kanë dërguar 28 vjeçarin drejt spitalit të Traumës në Tiranë, në gjendje të rëndë për jetën.
Ekspertët e policisë së Kurbinit kanë mbërritur në vendngjarje dhe po punojnë për të zbardhur shkaqet e aksidentit të ndodhur pak minuta më parë në Sanxhak./abcnews.al
