Klubet europiane po presin më padurim nisjen e futbollit. Koronavirusi ka shkaktuar shumë viktima dhe një situatë të papërjetuar deri më tani. Të gjithë shpresojnë që të fitohet sa më shpejt kjo luftë me COVID-19.
Liverpool nuk ka nevojë për shumë ndërhyrje, por kampionët e ardhshëm të Anglisë pritet të jenë aktivë në merkaton e verës. Jurgen Klopp pëlqen shumë Fabian Ruiz, mesfushorin e talentuar të Napolit.
Trajneri i “The Reds” ka mbetur i befasuar nga kualiteti i 23-vjeçarit. Napoli dhe Liverpool janë përballur katër herë mes tyre në dy sezonet e fundit në Champions League dhe gjermani e do në skuadër për sezonin e ardhshëm Fabian Ruiz.
Për lojtarin ka një interesim shumë të madh, sidomos nga Barcelona dhe Real Madrid. Napoli nuk dëshiron të heqë dorë nga shërbimet e tij, teksa do pranojë të nisë negociatat me klubet e interesuara për të paktën 80 milion euro. /abcnews.al
