Atletico Madrid ka eliminuar nga Champions League kampionët në fuqi të Liverpoolit. Ndeshjen e parë në Spanjë, bënë detyrën, fitore 1-0 dhe mbrojtje e hekurt.
Në “Anfield Road”, u ndëshkuan në minutën e 43-të, por arritën ta dërgonin takimin në shtesë. Firmino i ndëshkoi sërish dhe dukeshin të eliminuar, por gjeniu Simeone, aktivizon Llorenten, i cili shënon dy gola dhe çon shifrat në 2-2.
Morata vuri qershinë mbi tortë në sekondat e fundit, duke shënuar dhe golin e tretë për Atleticon, që merr një fitore historike në stadiumin mitik anglez. Hera e parë që Simeone viziton stadiumin e Liverpoolit dhe padiskutim që do të jetë një natë e paharrueshme…/abcnews.al
