Carlo Ancelotti nuk u mbajt pas barazimit 1-1 në shtëpi kundër Manchester United. Skuadrës së Everton iu anulua goli i fitores në minutat e fundit dhe trajneri italian kishte diçka për t’i thënë arbitrit kryesor në fund të ndeshjes.
Këtij të fundit nuk i pëlqyen fjalët dhe i tregoi kartonin e kuq. Ancelotti ia ka dalë të shmangë kualifikimin dhe do të jetë në pankinë në ndeshjen e radhës kundër Chelsea.
Trajneri ka paguar një gjobë prej 8 mijë sterlinash dhe do jetë i gatshëm për duelin e së dielës kundër skuadrës së Lampard. Ancelotti e ka drejtuar më parë këtë ekip dhe do të rikthehet si “ish” në Stamford Bridge. /abcnews.al
