Juventusi do të bëjë një goditje të madhe në sulm verën e ardhshme dhe shumë emra tundues qarkullojnë në media, por veprimi i Fabio Paraticit i jep fund dilemave për objektivin e bardhezinjve.
Mediat angleze raportojnë se kampionët e Italisë kanë zgjedhur të investojnë te Gabriel Jesus. Pezullimi i Manchester City nga kompeticionet europiane për dy sezonet e ardhshme pritet të ndikojë në largimin e disa yjeve të skuadrës së Guardiolës dhe Juventusi po tenton të përfitojë.
Drejtori sportiv i klubit italian ka nisur kontaktet me sulmuesin brazilian dhe është takuar personalisht me 22-vjeçarin sipas raportimeve të Daily Mail. Paratici po tenton të bindë lojtarin dhe të arrijë një akord paraprak me të, teksa më pas do të vijë oferta zyrtare për “Cityzens”. /abcnews.al \
