Koronavirusi ka shkaktuar panik në shumë vende të botës. Tashmë e prekur edhe Italia nga virusi vdekjeprurës paniku është edhe më i madh duke sjellë edhe masa drastike nga shtete të ndryshme. Shumë prej tyre kanë rekomanduar anulimin e udhëtimeve drejt Italisë.
Bosnja e Hercegovina, Kroacia, Maqedonia e Veriut, Serbia, Irlanda, Izraeli janë disa prej vendeve që janë kundër udhëtimit në Itali, ndërkohë që lista sa vjen e po rritet. Tani për tani, Gjermania, Britania e Madhe dhe Shtetet e Bashkuara nuk janë aq drastikë, por ftojnë i bëjnë thirrje qytetarëve të tregohen të kujdesshëm. Ndërsa Franca kërkon që personat që kthehen nga Lombardia dhe Veneto të izolohen, e njëjta gjë vlen edhe për personat që kthehen nga Kina. Një rrethim që rrezikon të jetë një goditje e vërtetë për të gjithë sektorin e turizmit.
E para që mori vendimin për të anuluar lëvizjet ishte Kroacia, duke vendosur të pezullojë të gjitha udhëtimet shkollore në Itali për një muaj, për të kufizuar rrezikun e përhapjes së epidemisë së koronavirusit.
Ministria serbe e arsimit u ka kërkuar shkollave të mesme nëSerbi të shtyjnë udhëtimet studimore në Itali për shkak të epidemisë së koronavirusit.
Ndërkohë në Irlandë, qeveria ka këshilluar qytetarët e saj të shmangin udhëtimet në Itali dhe në zonat e prekura nga virusi vdekjeprurës.
Një qëndrim kundër ka mbajtur edhe ministri i Shëndetësisë i Maqedonisë së Veriut Venko Filipcce, i cili fton qytetarët e këtij vendi që të shtyjnë udhëtimet në Italinë Veriore nëse nuk kanë nevoja urgjente.
/abcnews.al
