Dinamo Zagreb ka transferuar sulmuesin Lirim Kastrati, nga Lokomotiva e Zagrebit. Gjiganti kroat ka firmosur për pesë vite me anësorin dardan, i cili deri në verë do të mbetet nën urdhrat e Goran Tomic.
Nga vera do të ketë mundësinë të luajë me Dinamon, klub me të cilin ka firmosur për pesë vite. Detajet e marrëveshjes mes klubeve nuk dihen. Kastrati ka thënë edhe fjalët e para pas nënshkrimit të kontratës.
“Që kur erdha në Kroaci shpresoja të përfundoja një ditë te Dinamo. Tani dëshira ime është realizuar. Dua të falënderoj të gjithë ata që morën pjesë në këtë dhe më mundësuan të jem pjesë e klubit më të madh të futbollit në rajon”, u shpreh Kastrati. /abcnews.al
