Dortmund ka shënuar edhe dy gola të tjerë dhe fitorja përballë Eintracht Frankfurt mund të cilësohet një çështje e mbyllur. Autori i golit të dytë është Jadon Sancho. Talenti anglez po kalon një formë të mrekullueshme dhe gjeti golin e 13-të në kampionat (numëron dhe po kaq asiste) në minutën e 50-të.
19-vjeçari mori një pasim nga Witsel, u nis furishëm drejt zonës mike, kreu një driblim shumë të bukur dhe dërgoi topin në rrjetë. Katër minuta më pas ishte radha e Erling Haaland për të dërguar topin në rrjetë. Kundërsulm perfekt i verdhezinjve dhe bomberi norvegjez shfrytëzoi një asist të Hakimi për të regjistruar golin e tetë në kampionat me Dortmundin. /abcnews.al
