Loading ...
Ish.ministri i Drejtësisë, Ylli Manjani ka komentuar reagimin e ambasadorit Luigi Soreca për një video të përfolur pak kohë më parë.
Në media u aludua për ekzistencën e një video, ku Soreca shfaqet në raporte intime me një zv.ministre të qeverisë Rama. Në një emision televiziv, ambasadori i cilëodsi këto lajme të rreme.
Ndërkohë, Manjani shpreh keqardhjen se si shefi i Delegacionit të BE në Tiranë, detytohet të përgënjeshtrojë një thashethem aludues për jetën e tij private.
“Vijoj ti qëndroj mendimit që e kam shprehur dhe më parë se veglat gjinekologjike janë krejtësisht çështje private e çdo njeriu. Ky/kjo i/e fundit ska pse jep spjegime askujt në publik se si i përdor ato”, shkruan Manjani mes të tjerash.
Komenti i plotë i Manjanit:
Ndjehem thellësisht i keqardhur që shefi i Delegacionit të BE në Tiranë, detytohet të përgënjeshtrojë një thashethem aludues për jetën e Tij private.
Vijoj ti qëndroj mendimit që e kam shprehur dhe më parë se veglat gjinekologjike janë krejtësisht çështje private e çdo njeriu. Ky/kjo i/e fundit ska pse jep spjegime askujt në publik se si i përdor ato.
Nga ana tjetër, ndyrsirllëku i sulmit publik me këto mjete më duket më shumë paburrni sesa shantazh.
Burrnia e kërkon që Soreccën dhe takëmin e tij, përfshi dhe Organizatën Politike Europiane që ai përfaqëson, t’ja thuash drejt në sy kritikën që ke.
Sorecca dhe organizata e cila e ka deleguar këtu, na kanë dëmtuar seriozisht dhe shumë rëndë dhe drejtpërdrejtë kur:
- Lejuan kanabizimin e ekonomisë e kriminalizimin e shoqërisë. Vetëm një fjalë e tyre e ndalonte atë krim, por nuk e thanë.
- Rekomanduan tre herë me radhë hapjen e negociatave, por raportet e tyre ishin aq të vërteta sa shtetet anëtare i hodhën në kosh. Gënjeshtra nuk është ndihmë.
- Mbeshtetën dhe ende e bëjnë, më shumë sundimin e Bosit sesa të ligjit në këtë vend. E kam të pa mundur të mendoj sundim të ligjit, kur mbështetet Bosi të dhunojë Kushtetutën.
- Kërkojnë luftë kundër korrupsionit, kur vetë dhanë modelin se si blihet një pronë pa tender e me çmim më të lartë se tregu. Shëmbull i keq ky sepse ju hoqi fytyrën për të folur për standard.
Ja për këto kërkohet një minimum burrnie për tja thënë Soreccës e cilitdo nga takëmi i tij. Ndershmërisht fare!
Por jo të merremi me sajesa nga jeta private.
Nuk na duhet hiç ajo!
Është koha e burrave!
/abcnews.al
