Fantazisti i Real Madrid, Isco Alarcon, ka shënuar një gol shumë të bukur në takimin në transfertë kundër Osasunës. Pasi vendasit kaluan të parët në avantazh në minutën e 15-të me Unai Garcia, Los Blancos janë përgjigjur.
Isco merr një top në mesfushë dhe avancon disi nga krahu i majtë. Fantazisti spanjoll pason për Mendy, i cili kroson për Bale. Uellsiani bllokohet nga mbrojtja vendase, por topi shkon në këmbët e Iscos, i cili shënon shumë bukur me një gjuajte fluturimthi.
Gjashtë minuta më vonë, kapiteni Sergio Ramos do të shënonte sërish për Realin e Madridit, duke përmbysur edhe atë disavantazh të minutës së 15-të./abcnews.al
La Liga, java 23
Osasuna – Real Madrid 1-2
Garcia 15′ / Isco 33′, Ramos 39′
