Angel Di Maria është ndër të paktët lojtarë që ka luajtur me Leo Messin, Cristiano Ronaldon, Zlatan Ibrahimovic dhe Wayne Rooney. 31-vjeçari i PSG nuk e kishte besuar kurrë diçka të tillë, teksa analizon secilin prej tyre në një prononcim për Tyc Sports. Argjentinasi ofensiv zgjedh edhe më të mirin dhe ai është padyshim Leo Messi.
“I vogël ëndërroja të luaja përkrah Wayne Rooney, Zlatan Ibrahimovic, Cristiano Ronaldos dhe Leo Messit. I zgjidhja në playstation dhe nuk e imagjinoja kurrë se do të luaja përkrah tyre, një eksperiencë shumë e bukur.
Rooney është një djalosh i qetë, nuk e mendoja se ishte aq i fortë. Ibra është i çmendur, një karakter i shkëlqyer. Në fushë duket një tip negativ, por është një djalë fantastik. Shkoja mirë me të te PSG. CR7 është një mostër, ndërsa Messi është më i miri prej të katërve. Zgjedh Leon si më të mirin me të cilin kam luajtur“, deklaron Angel Di Maria. /abcnews.al
