Steven Gerrard ka luajtur për plot 17 vite me fanellën e Liverpool në Premier League, para se të kalonte në MLS me ekipin e LA Galaxy. Në këto 17 vite, ish-mesfushori anglez nuk e pati asnjëherë mundësinë të ngre trofeun e Premier League, i vetmi që mungon në kabinetin e tij.
Gerrard kulmin e tij e kishte kur ndihmoi Liverpool të përmbyste atë finale të Champions League kundër Milanit në vitin 2005, duke fituar trofeun më të madh në karrierën e tij. Megjithatë, peng i mbetet trofeu i Premier League dhe këtë gjë e ka pranuar edhe vetë.
Tifozët e Liverpoolit e kanë idhull ish mesfushorin e kuq dhe në rrjetet sociale, kanë ngritur idenë e nënshkrimit me Gerrard, në pesë ndeshjet e fundit të sezonit, në mënyrë që ai të ngre trofeun e Premier League. Ndoshta e pamundur, por tifozët kanë të drejtë të ëndërrojnë për një rikthim të trajnerit të Rangers./abcnews.al
