Javier Tebas, presidenti i La Ligas, ka dhënë një intervistë për mediet iberike, aty ku ka prekur disa tema delikate rreth futbollit spanjoll. Tebas pranoi se nuk flet me asnjë nga presidentët e Barcelonës dhe Real Madrid, si dhe komentoi formatin e ri të SuperKupës.
“Rizgjedhja? Mora 35 nga 42 votat. As Barcelona, e as Real Madrid nuk e mbështetën rizgjedhjen time, por LA Liga është më e madhe se këta dy klube. Ata janë të detyruar të bashkëpunojnë.
Perez? Kemi koncepte të ndryshme sa i takon futbollit spanjoll. Ai dëshiron krijimin e SuperLeague, kërkon pushtet total. Lakmitar i pavarësisë, por kjo gjë nuk mund të ndodhë. Kam 2 vite që nuk flas me të. Ndërsa me Bartomeun, kam më shumë se 5 muaj që nuk flas.
Superkupa? Ishte format i ri, në finale shkuan dy ekipe që nuk kishin fituar asgjë. Por më pëlqen kjo gjë, më pëlqen ndryshimi që bëri Federata Spanjolle dhe Rubiales”, tha Tebas mes të tjerash./abcnews.al
