Kjo fundjavë ka qenë intensive për Partinë Socialiste, e cila ka zhvilluar zgjedhjet për kryetar në 61 degët e saj.
Këtë të diel, zgjedhjet u zhvilluan edhe për bashkinë e Vlorës.
Nga 325 anëtarë, në votim morën pjesë 292. Kandidati Anduel Tahiraj mori 267 vota, kandidatja Albana Hodaj mori 10 vota ndërsa 15 u deklaruan të pavlefshme.
Kjo është hera e dytë që Tahiraj zgjidhet si kryetar i PS në Vlorë.
PS në Elbasan ka zgjedhur deputeten Evis Kushi, në Durrës Luan Zazën, ndërsa në Pukë zgjedhjet dështuan pasi kandidati i vetëm nuk mori as gjysmat e votave.
PS mbledh në 29 shkurt Kongresin e ri, nga ku do të zgjidhet asambleja e re dhe kryesia e re e partisë.
Zgjedhje nuk do të zhvillohen për kryetarin e PS. Edi Rama e rifreskoi mandatin me fitoren e zgjedhjeve të 2017./abcnews.al
