Presidenti i Luftëtarit, Besnik Halilaj, akuzoi se ekipi i Laçit nuk e ka respektuar garën në takimin e luajtur kundër skuadrës së tij, që u mbyll 4-0 në favor të kurbinasve. Për Panorama Sport, Halilaj tha se ka edhe fakte tronditëse për këtë akuzë të tij.
Prononcimi i Besnik Halilajt – “Kemi fakte tronditëse edhe për në datën 14 dhjetor, kur është luajtur ndeshja e fazës së dytë në Laç. Gara respektohet duke respektuar rregulloren e federatës. Nëse Laçi e ndien veten si përfaqësues të organeve ligj-zbatuese të FSHF-së dhe ne nuk e dimë, atëherë të na e thotë. Unë flas me dokumente dhe fakte. Kush është ai që më thotë mua ‘paguaj lojtarët’?! Nuk dua të paguaj…! Më dënon ligji mua nëse nuk e bëj një gjë të tillë, jo klubi i Laçit. Lojtarin nuk e ka përzënë njeri nga klubi që i paska ardhur keq Laçit dhe i ka dhënë mundësinë të stërvitej. Mos na u hiqni si humanë, por respektoni rregulloren, kaq”. (Panorama Sport)
Ndërsa pak çaste më parë, klubi i Laçit njoftoi në faqen zyrtare se kjo çështje nuk do të ndalojë këtu dhe do t’i drejtohen dyerve të Gjykatave.
Njoftimi i KF Laçit: – Klubi i Futbollit Laçi duke u bazuar në deklaratën e dhënë për gazetën Panorama Sport nga presidenti i Luftëtarit Bekim Halilaj, i cili hedh akuza të rënda mbi ndeshjen tonë kundër Luftëtarit, e cila përfundoi në rezultatin 4-0 në Laç si dhe për takimin e parë në Gjirokastër që përfundoi në rezultatin 1-1.
Të ndodhur në një situatë të tillë jemi të detyruar ta ndjekim këtë çështje ligjërisht. Nuk mundet askush të përbaltë klubin tonë dhe atë që ekipi bën në fushën e blertë. E gjithë kjo është një prishje imazhi e Klubit të Futbollit Laçi dhe për këtë dikush duhet të mbajë përgjegjësi. Materialet do t’i kalojnë Prokurorisë së Tiranës, si dhe institucioneve përkatëse në Federatën Shqiptare të Futbollit.
Presidenti i Luftëtarit, Besnik Halilaj, akuzoi se ekipi i Laçit nuk e ka respektuar garën në takimin e luajtur kundër skuadrës së tij, që u mbyll 4-0 në favor të kurbinasve. Për Panorama Sport, Halilaj tha se ka edhe fakte tronditëse për këtë akuzë të tij.
Prononcimi i Besnik Halilajt – “Kemi fakte tronditëse edhe për në datën 14 dhjetor, kur është luajtur ndeshja e fazës së dytë në Laç. Gara respektohet duke respektuar rregulloren e federatës. Nëse Laçi e ndien veten si përfaqësues të organeve ligj-zbatuese të FSHF-së dhe ne nuk e dimë, atëherë të na e thotë. Unë flas me dokumente dhe fakte. Kush është ai që më thotë mua ‘paguaj lojtarët’?! Nuk dua të paguaj…! Më dënon ligji mua nëse nuk e bëj një gjë të tillë, jo klubi i Laçit. Lojtarin nuk e ka përzënë njeri nga klubi që i paska ardhur keq Laçit dhe i ka dhënë mundësinë të stërvitej. Mos na u hiqni si humanë, por respektoni rregulloren, kaq”. (Panorama Sport)
Ndërsa pak çaste më parë, klubi i Laçit njoftoi në faqen zyrtare se kjo çështje nuk do të ndalojë këtu dhe do t’i drejtohen dyerve të Gjykatave.
Njoftimi i KF Laçit: – Klubi i Futbollit Laçi duke u bazuar në deklaratën e dhënë për gazetën Panorama Sport nga presidenti i Luftëtarit Bekim Halilaj, i cili hedh akuza të rënda mbi ndeshjen tonë kundër Luftëtarit, e cila përfundoi në rezultatin 4-0 në Laç si dhe për takimin e parë në Gjirokastër që përfundoi në rezultatin 1-1.
Të ndodhur në një situatë të tillë jemi të detyruar ta ndjekim këtë çështje ligjërisht. Nuk mundet askush të përbaltë klubin tonë dhe atë që ekipi bën në fushën e blertë. E gjithë kjo është një prishje imazhi e Klubit të Futbollit Laçi dhe për këtë dikush duhet të mbajë përgjegjësi. Materialet do t’i kalojnë Prokurorisë së Tiranës, si dhe institucioneve përkatëse në Federatën Shqiptare të Futbollit.
