Loading ...
I destinuar për lavdinë.
Formula 1 ka një kampion të ri, madje më të riun në histori, dhe kjo ndodhi 4 gara para përfundimit të sezonit.
I paracaktuari Kimi Antoneli e realizoi kryeveprën e tij në Çmimin e Madh të Meksikës, ku doli në podium, në vendin e tretë, dhe kjo ishte mjaft që të fitonte titullin.
Italiani është 20 vjeç e 68 ditë, ndërsa rekordi I mëparshëm ishte i Sebastian Fetelit në moshën 23 vjeç e 134 ditë, e më tej Hamilton, Alonso e Verstapen.
Piloti I Mercedesit u përgëzua nga skuadra dhe tifozët, ndërsa në ceremoninë e fitores doli në krah të Verstapenit, që fitoi në Meksikë, dhe Hamiltonit, që doli I dyti.
Shoqëri më të bukur nuk mund të gjente, me njërin 4 herë kampion të botës, e tjetrin shtatë herë.
Tashmë, Kimi do të synojë të hapë epokën e tij, për t’i ngjarë legjendave, siç janë edhe Fangio, Sena apo Shumaher.
Në Autodromin e Vëllezërve Rodrigez në Meksiko Siti pati dramë, dhe dy nisje të garës.
Po ashtu, aksidente dhe hyrje të makinës së sigurisë.
Antoneli nuk rrezikoi dhe thjesht ndoqi duelin mes Verstapenit e Hamiltonit, e anglezit I iku fitorja nga duart për shkak të përplasjeve me shokun e ekipit tek Ferrari, Lëklerk.
Kimi u bë I pari italian kampion I botës në Formula 1 që nga Alberto Askari në vitin e largët 1953.
Ai ka tani 380 pikë në krye të renditjes, 119 më shumë sesa katër herë kampioni I botës, Maks Verstapen në timonin e Red Bullit.
Edhe makina Mercedes kryeson bindshëm kampionatin e skuadrave, me 630 pikë, ndaj 504 të Ferrarit, me ekipet e tjerë që kanë mbetur shumë prapa.
