Loading ...
Cristiano Ronaldo ka bërë jo një, por tre hapa të tjerë për t’u afruar më shumë me historinë, pse jo pavdeksinë e tij futbollistike.
Sulmuesi portugez shënoi tre gola në ndeshjen e fundit me Al Nasser në Arabinë Saudite, duke shpejtuar nuërimin mbrapsht drejt rekordit të 1 mijë realizimeve në karrierën e tij.
Pas kësaj sfide, CR7 është ngjitur në kuotën e 985 golave, vetëm 15 larg primatit historik, që mund ta arrijë që në këtë sezon.
Ylli portugez i futbollit gjeti tre herë rrugën e rrjetës në fitoren 5-3 kundër Al Kholood. Më saktë e bëri katër herë, por sistemi VAR I prishi festën në nisje të pjesës së parë.
Pas pushimit, kur ndeshja ishte salduar në barazimin 2-2, Cristiano Ronaldo ndryshoi rrjedhën e ndeshjes.
Ai shënoi dy gola të njëpasnjëshëm në vetëm gjashtë minuta, nga e 66-ta deri në të 72-ën, për të drejtuar vendasit drejt fitores.
Po vetë, në minutën e 81-të, plotësoi mbrëmjen e madhe personale dhe vulosi suksesin e Al Nassr që ngjitet në vendin e dytë të kampionatit saudit, me pikë të barabarta me kryesuesit e ligës.
Po ashtu, me tre golat e tij, Cristiano Ronaldo iu përgjigj zhurmës në rrjet, pasi ai fitoi trofeun e special të “Topit të Artë” të quajtur “BOAT”, si më i miri të gjitha kohërave. Ky ishte një çmim simbolik I votuar nga tifozët në adresën zyrtare të “France Football”, por për CR7, çdo vlerësim ka vlerë. Me një postim në rrjetet sociale pas ndeshjes, ai u shpreh se “futbolli është I tifozëve”, duke pritur me krenari trofeun e fundit
