Horoskopi e premte 10 janar 2020
Dashi
Gjatë kësaj dite do bëni mirë të dëgjoni zërin e shpirtit tuaj pasi ashtu nuk do gaboni. Yjet do ua krijojnë të gjitha kushtet që ju t’ia dilni mbanë kudo. Nën ndikimin e Venusit ju të dashuruarit do kërkoni më shumë qetësi. Do i merrni gjërat më seriozisht dhe do qëndroni me këmbë në tokë. Nga ana tjetër edhe ju beqarët nuk duhet të ëndërroni më shume sesa duhet. Lërini gjërat të rrjedhin vetë, mos kërkoni asgjë me ngulm. Në punë, dashur pa dashur do orientoheni në një drejtim tjetër nga ai që keni pasur më parë dhe gjërat do ju duken shumë më interesante. Në planin financiar do bëni mirë të mos e humbni vigjilencën dhe maturinë për asnjë çast.
Demi
Jupiteri do ju bëjë të reflektoni më gjatë kësaj dite dhe do mendoni ta organizoni jetën tuaj. Familjarët dhe miqtë e ngushtë keni për t’i pasur në krah. Jeta juaj në çift do vazhdojë të jetë e mirë. Do flisni hapur me partnerin dhe nuk do i mbani asnjë të fshehtë njëri-tjetrit. Qielli i dashurisë do jetë plot ngjyra. Ju beqarët do provoni eksperienca të reja dhe do ndiheni shumë mirë. Nuk do e ndieni aspak vetminë. Sipas Horoskopit, në punë situata do marrë një kthesë tërësisht ndryshe. Do lodheni më shumë se më parë, por nuk duhet të dorëzoheni. Tregohuni sa më të arsyeshëm në planin financiar gjatë kësaj dite që të mos keni tronditje as më vonë.
Binjakët
Ka mundësi që gjatë kësaj dite të keni etje për pavarësi dhe mund të tregoheni të pamatur. Dijeni se po gabuat sot edhe e nesërmja do jetë delikate. Për ju të dashuruarit do jetë ditë e dyzuar. Nga njëra anë do ia shprehni ndjenjat partnerit dhe nga ana tjetër do tregoheni shumë xhelozë. Kujdes sepse atij mund t’i vijë në majë të hundës kjo sjellje. Ju beqarët duhet të sqaroheni njëherë me veten tuaj e pastaj të joshni. Në punë do jeni dinamikë, por kjo gjë mund të shndërrohet shpejt në nervozitet. Bëni mirë të kontrolloni impulsivitetin sepse ai do ju sjellë probleme të mëdha. Financat do jenë prioritet për ju. Nëse vazhdoni me të njëjtin ritëm shumë shpejt do keni përmirësime.
Gaforrja
Kjo ditë do ju mundësojë të tregoni gjithë talentin që keni dhe të gjitha aftësitë në çdo lloj fushe. Ju të dashuruarit do jeni sharmantë, joshës dhe me humor shumë të mirë. Së bashku me partnerin do provoni eksperienca të reja dhe do ndërmerrni sfida. Gjithçka do shkojë për mrekulli. Nëse jeni beqarë nuk duhet të tregoheni të turpshëm me personat që do takoni nëse duan të krijojnë një lidhje. Në punë, Mërkuri do ju detyrojë të lëvizni dhe të kërkoni kudo zgjidhje për të gjitha problemet që do ju dalin. Dita pritet të jetë e trazuar dhe me të papritura. Në planin financiar, fati do jetë në anën tuaj kështu që do keni mundësi të kryeni edhe transaksione.
Luani
Venusi dhe Jupiteri do ju bëjë të dini si të përshtateni me çdo lloj situata dhe sjelljeje të të tjerëve. Mundohuni të mos mërziteni për asnjë moment. Ju të dashuruarve nuk do iu pëlqejnë aspak rregullat strikte dhe do debatoni me partnerin për këto gjëra. Klima do jetë gjatë gjithë kohës e tensionuar dhe e mërzitshme. Ju beqarët nuk duhet të lidheni me personin e parë që do iu dalë para sepse do vuani tej mase më vonë. Në punë, qofshi punonjës apo vetë sipërmarrës, çdo gjë ka për t’iu ecur për mrekulli. Nuk do nënvlerësoni asnjë detyrë që do iu jepet dhe do jeni guximtare. Duhet të jeni pafundësisht krenarë për veten tuaj. Ulni sa të mundni shpenzimet në planin financiar dhe menaxhojini me maturi të ardhurat që keni.
Virgjëresha
Edhe pse nuk parashikohet të ndodhë asgjë e keqe gjatë kësaj dite, mirë është që në çdo moment të reflektoni para se të veproni. Pozicionimi jo i mirë i Saturnit në qiellin e dashurisë, do ndikojë negativisht tek jeta sentimentale nëse jeni në një lidhje. Mos u tregoni shumë autoritarë dhe posesivë. Ju beqarët do jeni joshës dhe mund të keni mundësi për të filluar aventura kalimtare. Në punë do jeni më të përgjegjshëm dhe planetët do i keni mbështetje të madhe. Mund të keni ndonjë konflikt të vogël me kolegët, por do e kaloni pa e kuptuar fare. Në planin financiar mos i besoni intuitës, por mendohuni mirë para se të bëni çfarëdo lloj shpenzimi. Vetëm kështu do shmangni problemet.
Peshorja
Ka mundësi që gjatë kësaj dite t’i kushtoni më shumë vëmendje jetës sociale dhe mund t’ia mbathni në vende të këndshme me miqtë tuaj. Qetësia do mbizotërojë në çdo moment për ju që jeni në një lidhje. Nga ana tjetër do jeni më të disponueshëm të bëni përpjekjet e duhura që të krijoni një klimë sa më harmonike. Për ju beqarët do favorizohen lidhjet afatgjata. Shfrytëzojeni çdo mundësi që do iu jepet. Në punë situatat do jenë stresuese në disa raste. Detyrat që keni do kërkojnë bashkëpunim më të madh dhe vendosmëri. Sipas Horoskopit, në planin financiar tregohuni sa më të matur dhe të kujdesshëm. Po gabuat do keni probleme serioze.
Akrepi
Urani do ua bëjë çdo gjë më të turbullt gjatë kësaj dite dhe nuk do jeni të qartë për gjendjen në të cilën ndodheni. Për pasojë shpesh nuk do dini si të reagoni dhe mund të ndërmerrni rreziqe. Ju të dashuruarit do ndiheni në situata disi të vështira dhe do jeni paksa të turbullt në mendime. Flisni sa me hapur me atë që keni në krah sepse vetëm me të mund të zgjidhni gjërat. Ju beqarët do jeni të gatshëm të filloni edhe aventura afatshkurtra, vetëm e vetëm për të përjetuar disa emocione. Në punë do jeni si në ajër dhe nuk do dini çfarë të bëni. Fatmirësisht disa kolegë që i keni pasur përherë mbështetje do jenë pranë jush. Në sektorin e financave gjërat do shkojnë mirë. Nuk do keni vështirësi dhe do i kryeni pa u sforcuar shpenzimet që do keni nevojë.
Shigjetari
Sido që të ndiheni gjatë kësaj dite do jeni të gatshëm për t’i dëgjuar e për t’i ndihmuar të tjerët. Ju të dashuruarit nuk do ndiheni shumë mirë dhe do debatoni shpesh me atë që keni në krah. Atmosfera do jetë e tensionuar. Venusi do jetë planeti që do ndikojë më tepër tek ju beqarët. Mundësitë për të krijuar lidhje do jenë të shumta, por duhet të mateni mirë para se të hidhni një hap. Në punë do keni më shumë kurajë dhe do ndërmerrni edhe iniciativa. Për ju nuk do ketë asgjë të pamundur dhe do guxoni gjithë kohës. Financat do jenë delikate për shkak të shpenzimeve të konsiderueshme që do kryeni.
Bricjapi
Gjatë kësaj dite do jeni shumë më të qartë në mendime dhe do dini kur dhe si t’i hidhni hapat. Probleme nuk kanë për t’iu ndodhur asnjë moment. Ju të dashuruarit nuk do keni as problemin më të vogël me partnerin dhe do ndiheni të qetë. Dashurohuni ashtu si e ndjeni pa menduar aspak për të ardhmen dhe për të tjerët. Ju beqarët nuk do ndiheni më vetëm falë një takimi të nxitur nga shumë planetë. Nëse ju rreh zemra me shikim të parë dijeni se ai është i duhuri. Jeta profesionale do ecë me ritme më të shpejta. Do ndiheni më gati se kurrë për të kaluar edhe një humnerë të madhe të cilën as nuk e keni menduar më parë. Shlyejini sa më parë borxhet që keni në mënyrë që financat të fillojnë të stabilizohen.
Ujori
Merrini gjërat si t’iu vijnë gjatë kësaj dite dhe nuk keni për t’u penduar asnjëherë. Nuk do ndodheni asnjë moment mes udhëkryqesh. Urani do ua bëjë ditën më emocionuese dhe me romantike ju të dashuruarve. Si ju ashtu edhe ai që keni në krah do i kushtonin kohën e duhur lidhjes dhe do ndiheni të sigurt për të ardhmen së bashku. Ju beqarët do jeni seksuale dhe mund të keni edhe dashuri me shikim të parë. Më punë do arrini më në fund të diskutoni qetësisht me kolegët tuaj dhe do ndërmerrni hapa të rinj. Tashmë do ndiheni më të sigurt se më parë. Në planin financiar gjërat do shkojnë më së miri dhe mund të shpenzoni për ato që keni menduar pa ju dridhur dora. Kur kujdesesh gjithmonë del i fituar.
Peshqit
Jupiteri mund të sjellë disa trazira të vogla gjatë kësaj dite kështu që duhet të tregoheni sa më të kujdesshëm. Atmosfera për ju që keni një lidhje do jetë e ngrohtë dhe harmonike. Bashkëpunimi dhe komunikimi do mbizotërojë gjatë gjithë kohës. Nëse mendoni për një të ardhme së bashku duhet të përgatisin projektet. Ju beqarët do filloni një histori dashurie e cila do shndërrohet shpejt në një lidhje serioze dhe do ju përmbushë në çdo aspekt. Në punë, në disa momente do përtoni të veproni dhe do ndiheni disi të lodhur. Po u dorëzuat dijeni që nuk do e merrni vetëm kollaj. Me financat nuk do i keni mirë punët sepse do shpenzoni jashtë mase./abcnews.al
