Mario Balotelli po ngre zërin në Itali kundër racistëve. Sulmuesi italian nuk ka ndërmend të dorëzohet dhe po mban një qëndrim për t’u admiruar në luftën kundër racizmit.
Para disa javësh, u luajt takimi Brescia-Hellas Verona dhe një tifoz mik, ofendoi Balotellin me kore raciste. SuperMario u largua nga fusha dhe ndeshja u ndërpre për disa minuta.
Sot, ky tifoz ka mësuar dënimin dhe është një dënim shembullor: Plot 5 vite jashtw stadiumeve! Balotelli ishte ‘viktimë’ e racizmit edhe në takimin kundër Lazios, por tifozët lacialë ia hodhën lehtë. Klubi italian u gjobit me 20 mijë euro.
Balotelli i është përgjigjur dhe në fushë tifozëve që kanë abuzuar me të, pasi i shënoi edhe Hellas Veronës, edhe Lazios. /abcnews.al
