brescia

Baggio.png
Igli Nikolli15:16 | 01/04/2020

Serie A ka qenë kampionati më i bukur në botë për shumë vite me radhë. Kampionët e mëdhenj kalonin më parë në Itali dhe rivaliteti e spektakli nuk mungonin kurrë. Në vitet ‘2000 një nga skuadrat më të veçanta ishte Brescia.

Shkaku? Roberto Baggio, një ndër futbollistët më të dashur në historinë e lojës më të bukur me top. Ylli italian vendosi ta mbyllë karrierën te “Dallëndyshet”, aty ku luanin emra si Igli Tare, Andrea Pirlo dhe Pep Guardiola.

Si sot 19 vite më parë zhvillohej ndeshja Juventus-Brescia. Miqtë realizonin një gol të mrekullueshëm. Asist fantastik i Andrea Pirlos dhe magji e Baggios. Bishtaleci bën një stopim gjenial duke shmangur Van Der Sar në të njëjtë kohë. Ishte 1 prilli i vitit 2001 dhe Roberto Baggio shënonte një gol që i emociononte të gjithë, edhe tifozët e Juventusit. /abcnews.al

Balotelli-1.png
Igli Nikolli19:56 | 25/03/2020

Mario Balotelli ka marrë një lajm të mirë në këtë kohë të vështirë. Sulmuesi i Brescia ishte akuzuar për përdhunim nga një 19-vjeçare nga Vicenza. Ngjarja ka lidhje me kohën kur 29-vjeçari luante me Nice në Francë (2016-2019).

Faktet kanë treguar se pretendimet e vajzës ishin të pabesueshme dhe ajo rrezikon tani të akuzohet për zhvatje, pasi i ka kërkuar 100 mijë euro Balotellit për të mos e bërë publike raportin e tyre.

Vajza ka qenë e mitur në kohën që ka ndodhur ngjarja, por ajo e ka mohuar këtë fakt përpara lojtarit italian. Përgjimet kanë nxjerrë blof pretendimet e saj dhe Prokurorja e qytetit të Brescia, Barbare Benzi, ka vendosur ta arkivojë këtë çështje. /abcnews.al

cellino.jpg
Vladimir Prenga11:40 | 22/03/2020

Massimo Cellino, presidenti i Brescia, i ka gjërat e qartë në kokën e tij dhe as që i intereson kampionati. Klubi që ai financon është i fundit dhe haptazi e thotë që e meritojnë. Ai ka një mesazh për të gjithë homologët e tij: mos mendoni për futbollin tani. Ky sezon ka marrë fund dhe Cellino nuk i kursen as “thumbat” për ndonjë klub.

“Kupa, kampionati. Lotito e do, le ta marrë. Ai është i bindur se ka një ekip të papërballueshëm, por le të lëmë atë ide. Unë marr çdo ditë lajme nga Brescia, janë të gjithë të çmendur, edhe pse qyteti po përballet me një tragjedi me një dinjitet shumë të sikletshëm. Këta njerëz ma shqyejnë zemrën.

Ka prindër, të afërm, miq, të njohur që vdesin çdo ditë dhe vuajnë jashtëzakonisht shumë, por në heshtje. Nëse do të kishte ndodhur diku tjetër, revolucioni do kishte shpërthyer. Njerëzit kanë vetëm një dëshirë, të rikthehen në punë, të rikthehen të jetojnë përsëri. Dhe  doni të flisni për kampionatin, titullin? Nuk më plas fare”, shprehet mes të tjerash Cellino, në intervistën e dhënë për Corriere dello Sport.

 

Më tej ai shton: “Kam frikë të dal nga shtëpia, po përjetoj një depresion. Nuk duhet të mendoni se kur të rifillojmë, por nëse mbijetojmë. Dhe nëse flasim për futbollin, gjithçka duhet spostuar për sezonin tjetër. Realizëm, zotërinj. Kjo është një sëmundje. Pastaj, e lexuat deklaratën nga tifozët e Lombardia? Jeta e para, jeta, dreqi e marrtë! Ka ultras që marrin oksigjen në spitale, të tjerë që vajtojnë të afërmit e tjerë.

Nuk mund të luhet këtë vit, mendoni për një vit tjetër. Sezoni ka mbaruar, nëse dikush dëshiron këtë titull të mallkuar, ta marrë. Është mbyllur, ka mbaruar. Dhe nuk flas kështu sepse Brescia është e fundit. Jemi aty sepse e meritojmë. Unë së pari e meritoj. Unë mendoj për ata që po humbasin punët dhe për ata që po vdesin.

Futbolli është një biznes që punëson shumë njerëz, por është në gjendje ta kalojë këtë krizë. Një e treta e kampionatit ka mbetur dhe zgjidhet lehtë: digjet një e treta e pagave të lojtarëve, një e treta e të drejtës televizive dhe një e treta e taksave. Është mënyra më e lehtë për të rregulluar gjërat”. /abcnews.al

Balotelli-e1584034192314.png
Igli Nikolli18:24 | 12/03/2020

Mario Balotelli ka gjithmonë diçka për të thënë. Sulmuesi i Brescia ishte ndër të parët që kërkoi ndërprerjen e kampionatit dhe mbylljen e kufijve nga shtetit italian. 29-vjeçari thumbon Juventusin në deklaratën e tij.

Bardhezinjtë kryesojnë Serie A me 63 pikë, një më shumë se Lazio e vendit të dytë. Në fund një koment për Felipe Caicedo. Ekuadoriani i Lazios ka zhvilluar një kampionat të mirë deri tani dhe ka shënuar 8 gola, edhe pse shumë ndeshje i ka nisur nga stoli.

Lazio është e fortë, por duhet të rikthenin Juventusin në krye përpara pezullimit të kampionatit. Shpresoj që kampionati të mos nisë. Për sa kohë që ka edhe një rast të vetëm më koronavirus, kampionati nuk duhet të rifillojë. Unë isha ndër të parët që kërkova një gjë të tillë, por njerëzit u zemëruan. Me këtë ritëm, do ta kemi virusin nëpër këmbë deri në vitin 2021.

Caicedo? Jam shprehur që është një futbollist i mirë, por vetëm kaq. Kam ndryshuar mendim. Ai po bën shumë mirë me Lazion, edhe pse nuk është se çmendem pas karakteristikave të tij“, deklaron sulmuesi italian. /abcnews.al

 

Caicedo dhe Immobile
Sassuolo.png
Veronik Istrefaj20:38 | 09/03/2020

Është mbyllur takimi i Serie A mes Sassuolos dhe Brescias, me fitoren e vendasve 3-0. Takimi u luajt pa tifozë, por kjo gjë nuk i pengoi skuadrat të dhurojnë spektakël në fushën e lojës.

Sassuolo e dominoi totalisht këtë sfidë, duke shënuar tre gola dhe duke mos i dhënë asnjë mundësi Brescias të dalë me pikë nga kjo transfertë. Caputo shënoi golin e parë të sfidës, në sekondat e fundit të fraksionit të parë të lojës.

LEXO EDHE: VIDEO | Caputo shënon për Sassuolon, ka një mesazh për popullin italian

Më pas, sulmuesi italian dyfishoi në pjesën e dytë me golin e tij të dytë personal. Anësori Jeremie Boga shënoi golin e tretë dhe të fundit të sfidës, një supergol. Sulmi i Sassuolos duket në një formë të mirë…

Serie A

Sassuolo – Brescia  3-0
Caputo 45’ 61’, Boga 75’

Caputo.jpg
Veronik Istrefaj19:25 | 09/03/2020

Në Serie A, po luhet me dyer të mbyllura takimi mes Sassuolos dhe Brescias. Pak çaste më parë, u mbyll pjesa e parë e kësaj sfide, me Sassuolon që e mbylli në avantazh 1-0.

Golin e shënoi sulmuesi Caputo, në sekondat e fundit të pjesës së parë. Festa e tij ishte fantastike, duke iu dhënë një mesazh të gjithë njerëzit që i ka zënë paniku për Coronavirusin. “Gjithçka do të shkojë mirë, qëndroni në shtëpi”, ishte mesazhi i sulmuesit italian./abcnews.al

Serie A

Sassuolo – Brescia  1-0
Caputo 45′

Balotelli.jpg
Igli Nikolli12:25 | 24/02/2020

Koronavirusi është tema e momentit në Itali dhe Mario Balotelli ka shprehur mendimin e tij në lidhje me situatën e krijuar. Shkollat janë mbyllur, gjithashtu dhe shumë biznese, teksa dje nuk u luajtën katër ndeshje të Serie A.

Askush nuk e ka të qartë nëse do të zhvillohet fundjava e ardhshme dhe vendi fqinj ka marrë masa të mëdha mbrojtëse kundër virusit që po përhap panik të madh. Sulmuesi i Brescia shfaqet i shqetësuar në një prononcim në rrjetet sociale

Një çështje shumë serioze, jemi si në gjendje lufte. Mbyllini stacionet, aeroportet, portet dhe doganat derisa ta gjeni kurën. Do ta bëni kur të jemi infektuar të gjithë?“, deklaron sulmuesi italian. /abcnews.al

 

Brescia-tifoze-e1582322205380.jpg
Igli Nikolli22:55 | 21/02/2020

Skuadra e Napolit është ndër më të kontestuarat në Serie A dhe haset me lloj lloj ofendimi në transferta, sidomos në veri të Italisë. Napolitanët urrehen në këto anë dhe kështu ka ndodhur edhe në sfidën e sotme në fushën e Brescias.

Tifozët vendas kanë kënduar koret “napolitan me koronavirus” gjatë zhvillimit të takimit në stadiumin “Rigamonti”, duke treguar zero respekt për miqtë. Gazetari napolitan, Carlo Alvino ishte ndër të parët që protestoi në rrjetet sociale.

Një gjest i turpshëm, teksa me shumë mundësi tifozeria e “Dallëndysheve” do të dënohet për këtë gjest dhe këto kore. /abcnews.al

Ruiz-Fabian-e1582321552920.jpg
Igli Nikolli22:39 | 21/02/2020

Napoli përmbysi Brescian në pjesën e dytë dhe shkon me moral të lartë në duelin e së martës kundër Barcelonës në Champions League. Ndeshja nisi keq për skuadrën e Gattusos dhe vendasit kaluan në avantazh në minutën e 26-të.

Krosi i Sandro Tonalit nga këndorja u shfrytëzua nga mbrojtësi Chancellor. Venezueliani kërceu fort, goditi me kokë dhe dërgoi topin në rrjetë, duke gjetur golin e tretë në Serie A. Pjesa e parë u mbyll me avantazhin e “Dallëndysheve”, teksa pushimi i bëri mirë miqve. Napoli fitoi një penallti me ndihmën e VAR-it dhe Lorenzo Insige nuk gaboi në minutën e 49-të.

Kapiteni u tregua i saktë nga pika e bardhë dhe pas pesë minutash erdhi edhe goli i avantazhit. Fabian Ruiz dhuroi një tjetër perlë si ajo kundër Interit në Kupën e Italisë. Mesfushori spanjoll lëshoi një goditje fantastike dhe topi përfundoi në trekëndësh. Vendasit tentuan të gjenin golin e barazimit, Emanuele Ndoj u hodh në fushë në minutën e 85-të, por Napoli ruajti avantazhin dhe siguroi tre pikët e radhës. /abcnews.al

Brescia – Napoli 1-2
(Chancellor 26′ / Insigne (pen) 49′, Fabian Ruiz 54′)

Ruiz-1.jpg
Igli Nikolli21:56 | 21/02/2020

Pushimi mes pjesëve i ka bërë mirë Napolit dhe skuadra e Gattusos përmbys Brescian brenda pesë minutave. VAR-i akordoi një penallti për miqtë në minutën e 49-të dhe kapiteni Insigne nuk gaboi.

Pesë minuta më vonë erdhi edhe goli i avantazhit. Fabian Ruiz lëshoi një nga perlat e tij dhe kaloi Napolin në avantazh. Realizim fantastik ai i mesfushorit spanjoll, i cili është rikthyer në formën e tij më të mirë. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono