Kampionat i ri për sulmuesin shkodran, Ndue Mujeci. Sikurse pritej, 26-vjeçari do e vazhdojë karrierën në Maqedoninë e Veriut, pasi së fundmi ka nënshkruar me Akademija Pandev që renditet në vendin e tretë.
Sulmuesi ka provuar të luajë në Superiore me Vllazninë, për të kaluar më pas tek Ada e Velipojës në Kategorinë e Parë. Prej vitit 2014 ai u zhvendos të luajë jashtë vendit.
Tre sezone në Letoni me Ventspils fillimisht dhe dy kampionatet e para ishin mjaft të mira, pasi realizoi 23 gola dhe provoi të luante në Kupat e Europës. Stacioni i radhës ishte Bullgaria, në klube si OFK Pirin dhe Dunav Ruse.
Mujeci më pas u transferua në Gjeorgji, ku veshi fanellën e Saburtalo. Happy Valley në Hong Kong dhe dy klubet Genclik Gucu dhe Cihangir GSK në Qipron Veriore kanë përfituar shërbimet e Mujecit, që tani do provojë një eksperiencë të re me Akademija Pandev. / abcnews.al
