Loading ...
Një ditë pas protestave masive, shkollat e mesme në Francë kanë nisur gradualisht mësimin, ndërsa qeveria po përpiqet të qetësojë situatën dhe u ka bërë thirrje nxënësve protestues të rikthehen në shkolla dhe të nisin dialogun.
Sipas të dhënave paraprake të Ministrisë së Arsimit Kombëtar, rreth 86% e shkollave të mesme hapën dyert të mërkurën. Megjithatë, një në shtatë shkolla vijon të jetë pjesërisht ose plotësisht e mbyllur, shifër kjo rreth 41% më e ulët krahasuar me një ditë më parë.
Në Paris, situata mbetet e tensionuar. Në disa shkolla, nxënësit vazhdojnë të qëndrojnë brenda ambienteve të institucioneve, ndërsa hyrjet janë bllokuar me kosha mbeturinash.
Protestat, të nisura në mesin e shtatorit në periferitë e Parisit, janë nxitur kryesisht nga kushtet e këqija të godinave shkollore, klasat e mbipopulluara dhe mungesa e mësuesve.
Lëvizja është përhapur veçanërisht në zonat e banuara nga familje të klasës punëtore, ku nxënësit kërkojnë ndërhyrje konkrete nga autoritetet.
Kryeministri francez Sébastien Le Corneille pritet t’i drejtohet vendit mbrëmjen e sotme, ku do të flasë për situatën në shkollat e mesme, çmimet e karburanteve, krizën në bujqësi dhe gjendjen fiskale të Francës.
Ndërkohë, sindikatat e nxënësve dhe organizatat studentore kanë bërë thirrje për protesta të reja nesër në Paris dhe qytete të tjera, të mbështetura edhe nga pesë sindikata të mësuesve.
The French people, in support of the sit-in by Sciences Po Paris students, are throwing food and water to them.
A few hours ago, French police violently suppressed this peaceful sit-in by throwing toxic tear gas. https://t.co/8ubLJW7d1v
— IRNA News Agency ☫ (@IrnaEnglish) October 7, 2026
