Loading ...
Një barazim që mund të kishte qenë fitore, dhe një disfatë e papritur. Ky është bilanci i Gjermanisë, katër herë kampione e botës, deri tani në Ligën e Kombeve, ndaj edhe ndeshja e sotme ndaj Serbisë në Mynih cilësohet si një udhëkryq.
A do të dinë të besuarit e trajnerit të ri, Jurgen Klop, që të bëjnë autokritikë pas humbjes që u konsiderua e turpshme ndaj Greqisë? Vetë ish-tekniku I shquar I Dortmundit dhe Liverpulit, ka besim, dhe ka punuar fort me lojtarët për të ndërtuar një skuadër të madhe.
Duket e habitshme që të thuhet kështu pas një pike në dy ndeshje, por vetë Klop pohoi se ky është vetëm fillimi i punës, se është një proces që do kohë, dhe se synimi është të krijohet një skuadër e cila t’u krijojë probleme të gjithëve, pra edhe një Spanje apo France.
Gjithsesi, morali nuk duket shumë i lartë, ndërsa ka mungesa si Shlotenbek apo kapiteni Kimih. Në portë do të jetë Urbig dhe jo Ter Shtegen apo Nybel. Serbia duket kundërshtari më i përshtatshëm që Gjermania ta bëjë më në fund kthesën.
Kombëtarja, dikur e respektueshme dhe e rrezikshme, po kalon një periudhë shumë të vështirë, me humbjet në shtëpi kundër Greqisë e Holandës, pas dështimit në grupin eliminator të Kupës së Botës, ku Anglia dhe Shqipëria u renditën mbi të.
Trajneri Paunoviç fton tifozët që të kenë besim, pritet që të luajë me 3 qendërmbrojtës, ndërsa Pavloviç i Milanit është në dyshim.
