Loading ...
Policia e Shtetit, përmes Drejtorisë së Forcës së Posaçme Operacionale, në bashkëpunim me Drejtorinë Vendore të Policisë Dibër, ka finalizuar fazën e radhës të operacionit të koduar “Fast”.
Në kuadër të bashkëpunimit me autoritetet italiane për lokalizimin dhe kapjen e personave të shpallur në kërkim ndërkombëtar, specialistët e Sektorit për Kërkimin (FAST Albania) kanë lokalizuar dhe arrestuar në Peshkopi shtetasin Gëzim Dani, alias Gëzim Hidri, 40 vjeç.
40-vjeçari ishte shpallur në kërkim ndërkombëtar nga Interpol Roma, pasi Gjykata e Apelit e Napolit, me vendimin e datës 15 nëntor 2021, e ka dënuar me 9 vite burgim për veprat penale “Organizata kriminale” dhe “Shfrytëzimi i prostitucionit”.
Sipas autoriteteve italiane, Dani dyshohet se ka shfrytëzuar vajza nga Europa Lindore për prostitucion në zonën e Napolit, gjatë vitit 2009.
Interpol Tirana, në bashkëpunim me Interpol Romën, vijon procedurat për ekstradimin e 40-vjeçarit drejt Italisë.
/abcnews.al/
