Loading ...Për Elona Spahiun, përgatitjet për nisjen e vitit të ri shkollor janë në ditët e fundit. Nënë e dy fëmijëve, njëri në klasë të 5 dhe tjetri në klasë të 1, ajo po bën llogaritë e fundit dhe po plotëson blerjet që u duhen fëmijëve për t’u rikthyer në shkollë
Ajo thotë se librat shkollorë i kanë marrë falas, por lista e mjeteve shkollore ende nuk është plotësuar
Deri tani, shpenzimet më të mëdha kanë qenë për djalin. Elona tregon se vetëm për veshjet dhe nevojat e tjera ka shpenzuar 100 mijë lekë, pa përfshirë ende mjetet shkollore
Dhe ndërsa Elona po bën blerjet e fundit, lista e shpenzimeve do të vazhdojë edhe gjatë muajve në vijim, me kurset dhe nevojat e tjera të fëmijëve.
Më 14 shtator, çantat do të jenë gati dhe bankat do të presin nxënësit për një tjetër vit shkollor./abcnews.al
