Tre turistë gjermanë humbën në malin e Çikës, gjenden pas disa orësh nga ekipet e shpëtimit

Pas një operacioni kërkim-shpëtimi që zgjati disa orë në malin e Çikës, tre turistë gjermanë janë shpëtuar.

Në aksion morën pjesë forcat e kërkim-shpëtimit, ndërsa u angazhua edhe një helikopter për të mbështetur operacionin.

Pasi u lokalizuan dhe u nxorën në një zonë të sigurt, turistëve iu dha ndihma e parë, pasi ishin të dehidratuar si pasojë e qëndrimit për disa orë në terrenin malor.

Më pas, ata u shoqëruan pa probleme dhe ndodhen jashtë rrezikut.