“Protesta, qeveria duhet ta përkthejë në ngjarje politike”, Qiraxhi: Përndryshe rrezikojnë humbjen e zgjedhjeve!

Aktivisti Migen Qiraxhi deklaroi se protestat janë një shenjë e qartë e pakënaqësisë së qytetarëve ndaj arrogancës dhe keqpërfaqësimit, duke i bërë thirrje qeverisë që ta përkthejë këtë mesazh në veprim politik.

Sipas Qiraxhiut, qytetarët kanë dalë në shesh si asnjëherë më parë për të dënuar arrogancën dhe keqpërfaqësimin.

Ai ngriti pyetjen nëse Partia Socialiste e ka analizuar arsyen pse qytetarët kanë protestuar, duke shtuar se kryeministri ka zgjedhur të mbajë leksione ndaj opozitës, në vend që të reflektojë mbi mesazhin e protestuesve.

 “Njerëzit në këtë vend, për të dënuar arrogancën dhe keqpërfaqësimin, kanë dalë në shesh si asnjëherë më parë. Qeveria duhet ta përkthejë këtë në një ngjarje politike.

A ka menduar ndonjëherë PS-ja pse kanë dalë qytetarët? Kryeministri mbante leksione ndaj opozitës.

Lexojeni ndryshe, përndryshe do t’i humbisni zgjedhjet, ashtu siç po humbni përfaqësimin dhe mandatin.”