Loading ...
Kreu i KPA, Sokol Çomo ka deklaruar se është mbyllur procesi i vetingut, duke shënuar përfundimin e tranzicionit të drejtësisë.
Në ceremoninë përmbyllëse të Procesit të Rivlerësimit Kalimtar të Gjyqtarëve dhe Prokurorëve. ÇOmo u shpreh se u krijuan kushtet që sistemi i drejtësisë të funksionojë mbi themele më të forta.
Çomo shtoi se sfida e përbashkët është garancia që qytetarët shqiptarë të kenë drejtësi.
“Ishte një përvojë e vështirë, dhe e dhimbshme. Ishte etapë që nuk ishte e lehtë për vendin tonë. Por kjo etapë ishte e nevojshme. Ne krijuam kushtet që sistemi i drejtësisë të funksionojë mbi themele më të forta. Sot po shënohet mbyllja e kapitullit të tranzicionit. Shqipëria po futet në shinat e duhura të demokracisë funksionale. Sfida jonë e përbashkët është që përjashtimi të mbetet përjashtim e normaliteti të jetë garancia se do ketë drejtësi për qytetarët”, theksoi ai./abcnews.al
