Botërori/ Prifti: SHBA, e rreptë në organizim. Tashi: Turneu, kulmi dhe rënia e karrierës për Mesin dhe Ronaldon

Trazirat dhe polemikat jashtë fushe e kanë kthyer këtë kampionat Botëror në një nga turnetë më shpërthyes dhe më të diskutuar të viteve të fundit.

Në emisionin “Real Story” në ABC News, gazetari Nertan Prifti vuri në dukje trajtimet rrepta ndaj ekipeve kombëtare, duke sjellë si shembull penalizues mbajtjen e kapitenit të Irakut për shtatë orë në aeroport.

SHBA-ja kanë treguar një rreptësi të jashtëzakonshme, ndryshe nga qasja më liberale e Anglisë dhe Spanjës.

Ndërkohë, gazetari Maksi Teshin bëri një krahasim me Botërorin e Klubeve, ku ekstreme të tilla nuk janë parë asnjëherë. Në mbyllje të analizës, të dy gazetarët ranë dakord se ky turne po shënjon kulmin e karrierës, por njëkohësisht edhe fillimin e rënies së dy ikonave të futbollit botëror, Lionel Mesi dhe Kristiano Ronaldo.

Nertan Prifti: Këtë Botëror e bën shpërthyes edhe fakti i polemikave. Pamë pamje që s’ishin parë kurrë, këtë trajtim për ekipet kombëtare. Ishin disa detaje që bënë diferencën. SHBA e rreptë në trajtimin e ekipeve kombëtare. Anglia dhe Spanja kishte një trajtim tjetër. Kapiteni i Irakut u mbajt 7 orë në dhomën e aeroportit.

Maksi Teshin: Botërorin e klubeve nuk kishte këto lloj ekstreme. Kemi kulmin e Mesit dhe Ronaldos, por kulmin e rënies së njërit dhe tjetrit.