Loading ...
Një tunel nëntokësor që lidhte Shtetet e Bashkuara dhe Meksikën përdorej për të trafikuar sasi të mëdha droge mes dy vendeve.
Autoritetet amerikane publikuan pamjet e rrugës së drogës, teksa prokurorët federalë kanë akuzuar katër të dyshuar për trafikim të më shumë se një ton kokaine për kartelin Jalisco New Generation.
Ata përdornin një dyqan të rremë me pakicë në San Diego si fasadë për tunelin e sofistikuar që kalonte kufirin drejt Tijuanës, Meksikë.
Të pandehurit përfshijnë dy shtetas meksikanë dhe dy amerikanë të cilët nëse shpallen fajtorë, mund të dënohen me burg të përjetshëm.
Hetimet kishin nisur që në dhjetor të vitit të kaluar, kur agjentët e Sigurisë Kombëtare dyshuan se pas dyqanit fshihej një tunel nëntokësor.
Ata vunë re aktivitet që nuk ishte normal për një vend të shitjes me pakicë. Për shembull, dyqani nuk dukej se kishte klientë. Disa burra hynin e dilnin duke mbajtur valixhe, të cilat shpesh dukeshin bosh dhe ndonjëherë i çonin valixhet në këmbë përtej kufirit në Meksikë.
Në fund të majit të këtij viti, agjentët vëzhguan të dyshuarit të mblidheshin në tre automjete dhe i panë ata të ngarkonin një kamion me frigoriferë që i mbushën me pako.
Oficerët konfiskuan një total të kombinuar prej më shumë se një ton kokainë.
Tuneli ishte rreth 1.2 metra i lartë dhe funksiononte duke përdorur një sistem shinash dhe karrocash dhe ishtei pajisur me energji elektrike dhe ventilim.
