Loading ...
Sytë janë hedhur menjëherë drejt derbit.
Jonas Vingegard fitoi Xhiron e Italisë këtë vit, duke dominuar thellësisht ndaj rivalëve, e duke hedhur dorashkën e sfidës ndaj atij që cilësohet si numri 1 I çiklizmit botëror, Tadej Pogaçar.
Dy gjigandët do të duelojnë në Turin e Francës që nis në 4 korrik me kronometrin ekipor nga Barcelona.
Duke parë formën e Vingegardit në Alpet dhe malet e Italisë, shumëkush ka bërë pyetjen: Mos vallë ai mund ta thyejë sllovenin, siç bëri në 2022 e 2023 pikërisht në Tur?
Të mos harrojmëse 29-vjeçari pësoi një rrëzim të rëndë në Vendet Baske në 4 prill 2024, duke dëmtuar mushkërinë, duke thyer klavikulën e disa brinjë.
Sot, në Xhiro, Vingegard deklaron se u deshën dy vjet që të kaloheshin pasojat e atij rrëzimi.
Me të vërtetë, që forma e tij ka qenë e shkëlqyer, dhe ai ka thyer rekorde në malore, me kohë që nuk I ka arritur as Pogaçar.
Danezi fitoi 5 etapa, të gjitha malore, dhe e mbylli me gati 5 minuta e gjysmë epërsi ndaj rivalit kryesor, austriakut Feliks Gal.
Për italianët nuk ka shumë ngushëllim, edhe pse Zhonatan Milan fitoi etapën e fundit në Romë, sepse më I miri prej tyre, Pigancoli e mbylli Xhiron në vendin e 8-të me gati 11 minuta prapambetje nga Vingegardi.
Duke u kthyer te Fanela Rozë, ai arriti diçka të madhe sepse plotësoi sukseset në 3 rrethet e mëdha çiklistike, në Tur, në Xhiro dhe në Vueltën e Spanjës.
Vetëm 8 ia ka në dalë në histori dhe Pogaçar nuk është njëri prej tyre.
