Rama në Seul/ Kryeministri: Takime me disa nga kolosët e industrisë së Koresë së Jugut

Kryeministri Edi Rama ndodhet në Seul të Koresë së Jugut, ku po zhvillon një vizitë zyrtare katër ditore.

Përmes një postimi në rrjetet sociale, Rama njoftoi se ka zhvilluar takime me disa nga kolosët e industrisë koreano-jugore, si LG Group, KIA Coorporation dhe LOTTE GROUP.

“Seul, Kore e Jugut – Në takime me disa nga kolosët e industrisë koreano-jugore; LG Group, KIA Coorporation, LOTTE GROUP”, shkruan Rama.

Më herët, Rama u prit nga kryeministri i Koresë së Jugut, Kim Min Seok. Në takimin mes homologësh, u diskutuan mënyrat për të forcuar marrëdhëniet midis dy vendeve.

Kim tha se mezi pret të zgjerojë shkëmbimet dhe bashkëpunimin me Shqipërinë, duke vënë në dukje se ka emëruar atë që njihet si “ministri i parë i inteligjencës artificiale (IA)” në botë dhe Koreja gjithashtu i kushton rëndësi IA-së dhe teknologjive të nivelit të lartë.

Rama nga ana e tij tha se Koreja është një burim frymëzimi për Shqipërinë në aspektin e zhvillimit kombëtar dhe të dy vendet kanë shumë ngjashmëri në atë që kanë kapërcyer vështirësitë dhe kanë arritur zhvillim ekonomik dhe demokraci, edhe pse janë shumë larg gjeografikisht./abcnews.al