Loading ...TIRANË- Një ditë pas zjarrit në pallatin 12 katësh në kompleksin “Arils” pranë Qendrës Spitalore “Nënë Tereza” në Tiranë policia ka arrestuar katër persona. Ndërkohë po procedon penalisht ndërtuesin e pallatit Armand Lilo.
Policia ka vënë në pranga menaxheren e “Big Market” Razie Sula. Mbi 54 vjeçaren rëndon vepra penale shkatërrimi i pronës nga pakujdesia dhe shkelja e rregullave të mbrojtjes në punë.
Marketi ndodhet në katin e parë të kompleksit nga ku grupi hetimor dyshon se nisën flakët dhe më pas të ndihmuara dhe nga materiali I fasadës u përhapën në të gjithë pallatin.
Nga veprimet e para hetimore dyshohet se në ambientin e pasmë të big market në rrethana të paqarta ka rënë zjarr në një vend ku ishin grumbulluar mbeturina. Menaxherja sipas policise nuk kishte marrë masa për heqjen e tyre.
Administratori i subjektit që ka bërë punimet për fasadën e kompleksit Altin Furtuna dhe inxhinieri drejtues i punimeve për ndërtimin e kompleksit Enver Ademi janë vënë në prangat e policisë.
Shkelja e rregullave të mbrojtjes në punë sipas policisë është vepra penale që rëndon mbi ta. Policia ka arrestuar gjithshtu për shkelje të rregullave të mbrojtjes ne pune dhe administratorin e pallatit Agron Cara. Policia dyshon se nuk ka kryer veprimet e nevojshme për kontrollin e funksionalitetit të masave mbrojtëse për zjarrin dhe shpëtimin.
Ndërkohe hetimet kane nisur dhe per dy punonjese te Big Market dhe te kontraktuarin per ndertimin e kompleksit. Policia thotë gjithashtu se grupi hetimor ne vendngjarje po punon per të përcaktuar dëmin material të shkaktuar nga zjarri.
Të arrestuarit:
Enver Ademi, inxhinier
Altin Furtuna, kontraktori që ka bërë fasadën
Razie Sula, menaxhere e “Big Market”
Agron Cara, Administrator i pallatit
/abcnews.al
