Loading ...Besimtarë të shumtë myslimanë janë mbledhur në xhaminë e Namazgjasë në Tiranë për disa momente lutje dhe reflektimi.
Në përgatitje të një prej netëve më të rëndësishme të muajit të shenjtë të Ramazanit, Natës së Kadrit. Që në mesditë, në ambientet e xhamisë ndihet përkushtimi dhe solidariteti me ata që kanë më tepër nevojë.
Për besimtarët myslyman ky moment ka domethënie të veçantë. Myslymanët besojnë se në këtë natë lutjet pranohen më shumë dhe mëshira hyjnore është më pranë se kurrë.
Për shumë prej besimtarëve myslyman kjo nuk është thjesht një ditë e zakonshme e agjërimit. Nata e Kadrit sipas traditës islame konsiderohet më e vlefshme se një mijë muaj.
Për ta është kohë për falje, për reflektim dhe për shpresë.
