Policia e Gjirokastrës ka arritur të gjejë një të moshuar e cila ishte zhdukur prej ditës së djeshme nga banesa e vajzës së saj.
Blutë e Gjirokastrës nisnë kërkimet pas denoncimit të familjarëve të saj, duke përdorur edhe dronin.
Pas 24 orësh kërkime, policia kanë arritur të lokalizojnë dhe gjejnë 74-vjeçaren V. F., e cila vuante nga problemet e shëndetit mendor. Gjetja e saj është bërë në pyllin e fshatit Hundkuq, fal dronit të policisë.
Njoftimi i plotë:
Largohet nga banesa e moshuara me probleme të shëndetit mendor, gjendet fal kërkimeve me dron nga ana e Policisë.
Mesditën e djeshme shtetasja V.F., 74 vjeçe, banuese në Tepelenë, është larguar nga banesa e vajzës së saj në fshatin Hundkuq, Gjirokastër.
Të afërmit e shtetases së mësipërme sapo kanë konstatuar mungesën e saj në banesë, kanë kërkuar ndihmën e policisë për ta gjetur.
Shërbimet e Komisariatit të Policisë Gjirokastër, pas njoftimit të marrë për largimin nga banesa të shtetases V.F., kanë nisur kërkimet në terren duke përdorur dronin e Policisë.
Ditën e sotme, nëpërmjet dronit është bërë lokalizimi dhe gjetja e shtetases V.F., në pyllin e fshatit Hundkuq.
Familjarët e shtetases V.F, kanë falënderuar efektivat e Policisë për angazhimin dhe gjetjen e nënës së tyre./abcnews.al
