Alarmi demografik/ Francë, vdekjet tejkalojnë lindjet për herë të parë që nga Lufta e Dytë Botërore

Franca regjistroi më shumë vdekje sesa lindje në vitin 2025 për herë të parë që nga fundi i Luftës së Dytë Botërore, duke gërryer avantazhin e saj demografik të kahershëm ndaj vendeve të tjera të Bashkimit Evropian, treguan të dhënat zyrtare.

Instituti Kombëtar i Statistikave INSEE raportoi se vitin e kaluar vdiqën 651 mijë njerëz dhe lindën 645 mijë të tjetër, numri i të cilëve ka qenë duke u ulur gradualisht që nga pandemia e Coronavirus.

Franca tradicionalisht është demografikisht më e fortë se shumica e vendeve të tjera evropiane, por popullsia në plakje dhe rënia e lindshmërisë tregojnë se edhe ky vend nuk është imun ndaj krizës demografike që po rëndon financat publike në të gjithë Kontinentin e Vjetër.